Monday, August 24, 2015

टीकापुरमा फेरि तनाव, धनगढीमा कर्फ्यू

प्रहरीद्वारा चार राउन्ड हवाइ फायर 
कैलाली: कैलालीको टीकापुरमा प्रदर्शनकारीले कर्फ्युको अवज्ञा गरेको छ। मृतकका आफन्तहरु अस्पतालमा रुवाबासी गरिरहेको समयमा थरुहटका कार्यकर्ताविरुद्ध आक्रोस पोख्दै युवाहरुले कर्फ्यूको तोडेको हो।


उनीहरुले कर्फ्यु तोड्दा प्रहरीले टीकापुरमा चार राउण्ड हवाइ फायर गरेको छ। यसका साथै प्रदर्शनकारी युवाहरुलाई संयमता अपनाउन प्रहरीले आग्रह गरेको छ।


प्रदर्शनकारी युवाहरु विशेषगरी थारु सभासद्‌ रामजनम चौधरी र थहरुहटका कार्यकर्ता विरुद्ध नाराबाजी गरिहरेका छन्। उनीहरुले थारु नेता तथा कार्यकर्ताको घर तोडफोड गर्ने भन्दै प्रदशर्न गरिहरेका छन्।

यस्तै धनगढीमा बिहान ११ बजेदेखि साँझ ७ बजेसम्‍म कर्फ्‍यु लागइएको छ। धनगढीका ६ वटा गाविस  मनुवा, जोखिमपुर, नारायणपुर, धनसिंहपुर, पथरैया, दुर्गौली र टीकापुर नगरपालिकामा कर्फ्‍यु आदेश जारी गरेको प्रमुख जिल्‍ला अधिकारी राजकुमर श्रेष्ठले जानकारी  जानकार दिएका छन्।

उनका अनुसार सम्भावित क्षेत्रमा झडप र प्रदर्शन हुन सक्‍ने भन्‍दै दंगाग्रसत क्षेत्र घोषणा गरिएको हो।  यता, सोमबार मृत्‍यु भएकाहरुको शव काठमाडौं ल्‍याउने तयारी गरेको छ।
annapurnapost.com

Write Comment Below:

No comments:

Post a Comment