Wednesday, August 26, 2015

कैलालीमा प्रहरी मारिएपछि वार्ता गर्न थारु नेताका यस्ता शर्त

काठमाडौं, १० भदौ । थारु नेताले मुख्य तीन दलसँग वार्ता निम्ति पुर्वसर्त राखेका छन् । बुधबार बिहान थारु र मधेसीसँग वार्ता गर्ने कांग्रेस, एमाले र एमाओवादीको निर्णयपछि सिंहदरबारमा बसेको  संयुक्त थारु संघर्ष समितीको सचिवालय बैठकले यो निर्णय गरेको हो ।
थारु सभासद, थारु कल्याणकारिणी सभा र संघर्ष समितिका पदाधिकारीको बैठकले झापादेखि कञ्चनपुरसम्म ‘थरुहट÷थारुवान संयुक्त संघर्ष समिति’ को आहवानमा जारी आन्दोलनका क्रममा गरिफतार कार्यकर्ता र समर्थक छाड्नुपर्ने, मुद्दाहरु फिर्ता  हुनुपर्ने, सेना परिचालन फिर्ता लिनुपर्ने बेपत्ता थारुहरु सार्वजनिक गर्नुपर्ने, कफ्र्यु लागेका बेला घर र पसलमा भएका टोडफोडको क्षतिपुर्तिको व्यवस्था गर्नुपर्ने, टिकापुर घटनाको निष्पक्ष छानबिन हुनुपर्ने पुर्वसर्त राखेको हो ।
‘यि सर्तहरु पुरा नभएसम्म वार्तामा बस्नुको कुनै चौचित्य छैन,’ थारु कल्याणकारिणी सभाका अध्यक्ष धनिराम चौधरीले बताए । समितिले वार्ताका लागि सर्तका रुपमा चार मुद्दाहरुअघि सारेको छ ।
ति मध्य पहिचानका पाँच र सामथ्र्यका चार आधारमा सिमंकन हुनुपर्ने, राज्यको हरेक तह रसंयन्त्रमा सम्बन्धित प्रदेशको जातीय जनसंख्याका आधारमा समानुपनतिक समावेशी प्रतिनिधित्व र रोजगारीको संवैधानिक व्यवस्था गरिनुपर्ने, संघिय व्यवस्थापिकामा जनसंख्याको अनुपातमा सदस्य संख्या र निर्वाचन क्षेत्र निर्धारण गरिनुपर्ने, आदिवासी थारु संवैधानिक राष्ट्रिय आयोगको व्यवस्था हुनुपर्ने, आदिवासी थारुको प्रथाजनित कानुन र अभ्यास गर्ने निकायलाई कानुनी मान्यता प्रदान गरिनुपर्ने उल्लेख छन् । कान्तिपुर दैनिकमा खबर छ ।
dainiknepal.com

Write Comment Below:

No comments:

Post a Comment