Thursday, August 20, 2015

घैंटेलाई इन्काउन्टरमा मारेपछि एसएसपी सर्वेन्द्र खनाललाई नेताको फोन

काठमाडौं, ३ भदौं । प्रहरी इन्काउन्टरमा गुण्डा नाइके कुमार श्रेष्ठ ‘घैंटे’ मारिएपछि महानगरीय प्रहरी अपराध अनुसन्धान महाशाखाका प्रमुख एसएसपी सर्वेन्द्र खनाल अहिले खुसीसँगै तनावमा छन् ।
खुसी यस मानेमा छन् की महाशाखाले एउटा ठूलो सफलता हात पा¥यो गुन्डा नाइके घैंटेलाई इन्काउन्टरमा मारेर । तर अर्काेतर्फ उनी तनावमा छन् । तनावको कारण हो नेताहरुको फोन ।
उनलाई अहिले नेताहरुको फोन रिसिभ गर्न हम्मे हम्मे परेको छ । सुरुमा उनलाई नेपाल प्रहरी प्रमुख आर्इजीपी उपेन्द्रकान्त अर्यालले फोन गरेर धन्यवाद दिए । उनको त्यो शब्दले खनाल झनै खुसी भए । त्यसपछि गृहमन्त्री वामदेव गौतमले खनाललाई फोन गरे । फोन गर्दै अपराध नियन्त्रण र गुण्डागर्दी रोकथाम गर्न विशेष ध्यान दिएको भन्दै मन्त्री गौतमले खनाललाई बधाइ दिए । त्यसपछि उनको मन झन प्रफुल्ल भयो ।
तर, त्यसपछिका फोनले उनलाई तनाव भयो । त्यसपछि कांग्रेसका नेताहरुले पालैपालो फोन गरेर उनलाई हप्काए । कतिपयले उनलाई बेस्सरी गाली समेत गरे । कांग्रेसका नेताहरुको नाम भने उनले खुलाएनन् । अहिले खनाल खुसी भन्दा बढी तनावमा छन् । अझै पनि नेताहरुको फोन आउने क्रम जारी रहेको उनले बताए ।
आज दिउँसो सामाखुसीको कपुरधारामा गुन्डा नाइके घैंटे इन्काउन्टरमा परेर घाइते भएका थिए । घाइते लगत्तै शिक्षण अस्पताल लगिएका उनको त्यही मृत्यु भएको थियो ।
dainiknepal.com

Write Comment Below:

No comments:

Post a Comment