Wednesday, August 19, 2015

एमाओवादी सात प्रदेश मान्न तयार

प्रचण्डको प्रस्ताव :
सीमांकन विवाद लम्बिएपछि एमाओवादी अध्यक्ष प्रचण्डले कांग्रेस–एमालेले १० महिनाअघि प्रस्तुत गरेको सात प्रदेशको प्रस्तावमा सहमति गर्न आफू तयार भएको बताए । ‘हामीले संविधान बनाउन धेरै विषयमा सम्झौता गर्दै छोड्दै पनि आएका छौँ, संक्रमणकाल अब लम्ब्याउनु भएन, अब तपाईंहरूकै सात प्रदेशको प्रस्तावमा आजै सहमति गरेर जाऔँ,’ स्रोतका अनुसार प्रचण्डले बैठकमा भने ।
प्रधानमन्त्रीको प्रतिक्रिया :
प्रचण्डको प्रस्तावलाई कांग्रेस वरिष्ठ नेता देउवाले समर्थन गरे भने प्रधानमन्त्री कोइरालाले अस्वीकार गरे । ‘प्रचण्डले प्रस्ताव राख्नेबित्तिकै प्रधानमन्त्री कोइरालाले आक्रोशित मुद्रामा असहमति जनाए,’ बैठक स्रोतले भन्यो, ‘त्यसपछि उहाँ विशेष समितिको बैठक छोडेर बाहिरिनुभयो ।’ कोइरालाले आफ्नै पार्टीका नेतातर्फ इंगित गर्दै बैठकमा भनेका थिए, ‘तपाईंहरूले मलाई के–केमा सही गराउनुभयो के–केमा ।’
थ्रेसहोल्ड राखे साना दलका सभासद् संविधान– सभामा सुत्ने

दुईदेखि पाँच प्रतिशत मत नल्याउने दललाई समानुपातिकमा सिट नदिने विषयमा ठूला दलबीच छलफल भइरहेको छ, तर त्यस्तो प्रावधान राखे साना दलले संविधानसभामै सुतेर बैठक अवरुद्ध गर्ने चेतावनी दिएका छन् । बलमिच्याइा गरे संविधानका हरेक धारा मत विभाजनबाट मात्र पारित गर्ने अवस्था सिर्जना गर्ने पनि उनीहरूको भनाइ छ । संविधानत: संविधानसभाका १० प्रतिशत सभासद्ले माग गरेमा मतविभाजनबाट मात्र धारा पारित गर्नुपर्ने प्रावधान छ । यसो गर्न ६१ सभासद् चाहिनेमा साना दलसाग ६३ सभासद् छन् । सबै धारामा मत विभाजन गर्नुपरे संविधानसभालाई दुई–तीन महिना लाग्न सक्छ ।
– नयाँ पत्रिका दैनिकबाट

Write Comment Below:

No comments:

Post a Comment