Wednesday, August 19, 2015

शेराको त्रासले रातभर जाग्राम : इटहरी डुबानको खतरा

शेराको त्रासले रातभर जाग्राम : इटहरी डुबानको खतरा

इटहरी ३ भदौ – बुधबार साझ देखी लगातार परेको बर्षा बिहीबार पनि जारी रहदा इटहरी उपमहानगरपालीकाले लाखौ लगानी गरी थुनेको शेरा खोलाको बाध भत्कने खतरा बढेको छ । उत्तरी क्षेत्रको पहाडी भेगमा परेको लगातार वर्षाका कारण चारकोशे झाडी अन्तरगत शेरा खोलामा पानीको सतह उच्च भई बाध भत्कने खतरा बढेको हो । शेराको बाधले धान्नै नसक्ने पानीको बहाव बढेर बिस्तारै इटहरीको टेंग्रा खोलामा मिसिन पुगेको छ ।

शेरा खोला थुन्नकै लागि इटहरी उपमहानगरपालीकाले गत आर्थिक वर्षमा मात्रै ३० लाख बढी खर्च गरीसकेको छ । लगातारको वर्षाले शेराखोलाको पुर्वि तटबन्धन भत्काउदै बाढीको रुपमा इटहरी टेंग्रा खोलामा मिसिन थालेको स्थानीयहरुले बताएका छन । शेराको बाध केही कारणवस फुटिहाले इटहरी उपमहानगका साथसाथै नेपाली शेनाको पूर्वि पृतना मुख्यालय र बजार क्षेत्र पुर्ण प्रभावित हुने सम्बन्धित सरोकारवालाहरुले बताएका छन ।
यता इटहरी उपमहानगपालीका स्थित बजारलाइनका बासिहरु शेराखोलाको पिरले बुधबार रातभर जाग्राम बसेका छन । खोला फुटिहाले सबैभन्दा पहिले खतरा बजार क्षेत्रमा पर्ने हुदा बाढी आउनुअघीनै सचेतना अपनाइएको त्यस क्षेत्रका स्थानीयवासी साइला तामाङले बताए । उनि मात्र नभएर केही स्थानीयवासीहरुले रातभरी टेंग्रा पुलमा च्याउदै बसेको उनले बताए ।

इटहरी क्षेत्रमा उचित ढल ब्यवस्थापन नहुदा उपमहानगरबासीहरु बर्खाको समयमा बर्सेनी डुबानको समस्या झेल्दै आएका छन । यस बिषयमा थप जानकारी लिन इटहरी उपमहानगरपालीकाका कार्यकारी अधिकृत पशुपति खतिवडासंग फोन सम्पर्क गर्दा फोन नउठेको कारण कुनै संवाद हुन सकेन ।

भिडियो हेर्न तलको बाकस थिच्नुहोस

Write Comment Below:

No comments:

Post a Comment