Wednesday, August 19, 2015

महेन्द्रसिंह धोनीले १२ हजार फिटमाथिबाट हामफाले

एजेन्सी |
२०७२ भाद्र २ बुधवार
एजेन्सी : भारतीय वान डे क्रिकेट टिमका कप्तान महेन्द्र सिंह धोनीले बुधवार दिउँसो आगरामा १२ हजार ५ सय फिटमाथि उडिरहेको वायुसेनाको विमानबाट हामफालेका छन् ।

धोनीले आफूलार्इ प्राप्त हुने मानार्थ लेफ्टिनेन्ट कर्नेलको पदका लागि तालिमका क्रममा विमानबाट हामफालेका हुन् ।


भारतीय कप्तानले मलपुरा ड्रपिङ्गक्षेत्रको मैदानमा बिहान साढे सात बजे एएन-३२ विमानबाट हामफालेका हुन् । उनी प्यारासुटको मद्दतले विस्तारी जमीनमा अवतरण गरे ।

धोनीले अझै अलग अलग दिनमा चारवटा छलाङ लगाउन बाँकी छ । यीमध्ये तीनवटा छलाङ्ग दिनमा र एउटा छलाङ रातमा लाउनुपर्नेछ ।

धोनीको साथमा १४ जना अन्य सैनिकले पनि हामफालेका थिए । धोनी छ अगस्टदेखि आगरामा रहेका छन् । उनी त्यहाँ बसेर प्यारा जम्पिङको तालिम लिइरहेका छन् ।

उनले बुधबार छलाङ लगाउन एक मिनेटको समय लगाएका थिए । उनले जमीनमा राम्रोसँग अवतरण गरे । बुधवार छलाङ लगाउने उनको समूहमा १४ जना मानिस सामेल थिए ।

धोलीले छलाङ लगाएको बारेमा अहिलेसम्म भारतीय सैनिक अधिकारिले केही बोलेका छैनन् । तर एयर फोर्सको सूत्रले बिबिसीलार्इ दिएको जानकारी अनुसार उनले मानार्थ लेफ्टिनेन्ट कर्णेल हुन अझै चारवटा छलाङ लाउनुपर्ने हु्न्छ ।

यीनमा एक रातमा र एक भारीले भरिएको ब्यागसहित छलाङ लगाउनुपर्नेछ । यी छलाङमा सफल भएपछि धोनीको प्यारा ड्रपिङ्गको तालिम पुरा हुनेछ ।

भिडियो हेर्न तलको बाकस थिच्नुहोस

Write Comment Below:

No comments:

Post a Comment