Monday, August 24, 2015

अमेरिकी हवाई आक्रमण र झडपमा ७३ को मृत्यु

बग्दाद, ७ भदौ । इराकभरी भएको अमेरिकासँग आवद्ध हवाई आक्रमण र इराकको पश्चिमी प्रान्त अन्बारलयागत अन्य इलाकामा इस्लामिक स्टेट आतङ्ककारी र सैनिकबीच भएको भडपमा परी आइतबार ७३ व्यक्तिको मृत्यु भएको प्रान्तीय सुरक्षा स्रोतले जानकारी दिएको छ ।
अन्तर्राष्ट्रिय संयुक्त गठबन्धनले इराकको विभिन्न इलाकालाई लक्ष्यगरी गरिएको १६ वटा हवाई आक्रमणमा ४२ जनाको मृत्यु भएको जनाइएको छ । साथै यस आक्रमणबाट आइएस कब्जा गरेको ४३ वटा स्थान ध्वस्त गरिएको बताइएको छ । यस हवाई आक्रमणमा आइएस आतङ्ककारी समूहको चार वटा सवारी साधन समेत ध्वस्त भएको पनि जनाइएको छ । यद्यपी इराकी युद्धक विमान र सेनाको हेलिकोप्टरद्धारा गरिएको ३७ वटा हवाई आक्रमणबाट इराकको विभिन्न इलाकामा रहेको आइएसले कब्जा गरेको स्थानहरु ध्वस्त भएको बताइएको छ । तर सेनाद्धारा जारी यस विज्ञप्तिमा आइएस लडाकूको थप हताहत भने प्रष्ट पारेको छैन । यसैबीच अन्बार प्रान्तमा इराकी सुरक्षा बल र आइएस आतङ्ककाराबीच झडप जारी रहेको बताइएको छ । सो सहरमा सैनिकले दर्जनौ सडककिनारको बम निष्क्रिय बनाएको जनाइएको छ । यसैगरी रमादी सहरदेखि उत्तरपश्चिमीमा पर्ने तवाइ र अल्बु जलेइबमा आइएस आतङ्ककारी र सैनिकबीच भएको झडपमा १८ सुरक्षाबलको मृत्यु हुनुको साथै अन्य ३० घाइते भएका छन । आतङ्ककारीतर्फ पनि १३ आइइस लडाकू मारिनुको साथै अन्य आठ घाइते भएका जनाइएको छ । तस्विर : फाइल ww.etajakhabar.com

Write Comment Below:

No comments:

Post a Comment