Monday, August 24, 2015

रौतहटमा तरबार जुलुस, गोली प्रहार, प्रहरीसहित १५ जना घाइतेपछि कर्फ्यु जारी

रौतहट, भदौ ७ । रौतहट सदरमुकाम गौरमा पनि प्रदर्शनकारी र प्रहरीबीच झडप भएपछि स्थानीय प्रशासनले कर्फ्यु आदेश जारी गरेको छ ।

प्रदर्शनकारीहरुले तरबार जुलुस प्रदर्शन गर्दै मालपोत, नापी, जिल्ला अदालतमा तोडफोड गरेपछि सुरक्षाकर्मीले दर्जनौं सेल अश्रुग्यास प्रहार गर्नुका साथै हवाईफायरसमेत गरेको थियो ।


प्रदर्शनकारीले बीपी चोकमा रहेको बीपी कोइरालाको शालिक पनि तोडफोड गरेका छन् । झडपका क्रममा प्रहरीको गोलीको छर्रा लागेर गौरका भुषण मिश्र घाइते भएको छन् झडपमा १० जनाभन्दा बढी प्रदर्शनकारी घाइते भएका छन् ।

सशस्त्र प्रहरीका वरिष्ठ हवल्दार रामप्रवेश यादवसहित ५ जना सुरक्षाकर्मी पनि घाइते भएको सशस्त्र प्रहरी उपरीक्षक विदुर खड्काले जानकारी दिए ।

प्रमुख जिल्ला अधिकारी मदन भुजेलले शान्तिपूर्ण आन्दोलन एकाएक अराजक बन्दै गएपछि बाध्य भएर प्रहरीले बल प्रयोग गर्नुपरेको र सोमबार अपरान्ह साढे बजेदेखि मंगलबार बिहान ५ बजेसम्मका लागि कर्फ्यु आदेश जारी गरेको बताए । भिडियो हेर्न तलको बाकस थिच्नुहोस

Write Comment Below:

No comments:

Post a Comment