Friday, August 14, 2015

बानेश्वरमा आँसु झार्दै कमल थापाले भने, ‘प्रहरीले झुक्याएर थरापमा पारे’

काठमाण्डु, २९ साउन– राप्रपा नेपालका अध्यक्ष कमल थापाले आफूलाई प्रहरीले धराप थापेको आरोप लगाएका छन् ।
हिन्दू राष्ट्र माग्दै प्रदर्शनमा उत्रिएका राप्रपा नेपालका कार्यकर्ताले शुक्रबार बानेश्वरको निषेधित क्षेत्र तोड्ने क्रममा भएको प्रहरी हस्तक्षेपछि सञ्चारकर्मीसँग कुरा गर्दै थापाले प्रहरीले झुक्याएर आक्रमण गरेको बताए ।
पं्रहरीको सहमतिमा नयाँबानेश्वर चोक हुँदै संविधानसभाको तीन नम्बर गेट अगाडिबाट बिजुली बजारसम्म प्रदर्शन गर्न खोज्दा बीचैमा हस्तक्षेप भएको दाबी उनको छ ।
‘प्रहरीकै सहमतिमा बानेश्वर हुँदै बिजुली बजार जान खोजेका थियौं’, थापाले भने, ‘हामी शान्तिपूर्ण रुपमा अघि बढिरहेका बेला धराप थाप्ने काम भयो ।
थापाले आफूहरुको प्रदर्शनमा भएको हस्तक्षेपको निन्दा गर्दै घटनामा संलग्न सुरक्षाकर्मीमाथि कारबाहीको माग गरे ।
प्रदर्शनकारीहरु निषेधित क्षेत्र तोडेर संविधानसभा भवनतर्फ अघि बढेपछि प्रहरीले अश्रुग्यास र लाठी प्रहार गरेको थियो ।
अश्रुग्यासको धुवाले अध्यक्ष थापाको आँखाबाट आँसु झरेको थियो । अश्रुग्यास प्रहारपछि केही असक्तजस्ता देखिएका थापा कार्यकर्ता र पीएसओको सहायतामा हिंडेका थिए ।
kathmandutoday.com

Write Comment Below:

No comments:

Post a Comment