Monday, August 24, 2015

डन घैंटे मारिएको अहिलेसम्म थाहा छैन छोरी सिम्रिकालाई

डन घैंटे मारिएको अहिलेसम्म थाहा छैन छोरी सिम्रिकालाई
किन भएको थियो घैंटेको श्रीमतीसँग सम्बन्धविच्छेद ?
काठमाडौं, भदौ ७– बिहिबार बिहान सदाझैं छोरी सिम्रिकालाई विद्यालय पुर्याउँन विद्यालय गएगएका थिए  कुमार घैंटे । छोरीलाई विद्यालयमा छाडेर आफ्नो ठेक्कापट्टाको कार्यालयमा केही समय बसी घर फकिँदै गरेका उनको प्रहरी ‘इन्काउन्टर’मा बाटैमा ज्यान गयो ।


पहिले छोरीलाई विद्यालय पुर्याएर कार्यालय पुगेका उनी त्यहाँ केहि समय बसेर सिधै कपुरधारास्थित घर हिँडेका थिए । तर, घर पुग्न नभ्याउँदै प्रहरीसँगको मुठभेटमा गोली लागि त्रिवि शिक्षण अस्पताल पुगेका उनी कहिल्यै घर नफर्किने गरि बिदा भए ।
सिम्रिकालाई असाध्यै माया गर्ने घैंटे छोरीको लागि खाना बनाएर खुवाउने देखि लिएर विद्यालयसम्म पुर्याउने काम गर्थे नियमित ।
असामान्य अवस्थाबाहेक अन्य व्यस्तताको समयमा पनि उनी फुर्सद मिलाएर छोरीको लागि समय दिन्थे उनी । अहिले १० वर्ष पुगेकी सिम्रिकालाई आमा प्रमिला गुरुङले ३ वर्षको उमेरै छाडेर गएपछि आमाको पनि जिम्मेवारी पुरा गर्नु थियो र त छोरीको हेरचाहमा विषेश ध्यान दिन्थे घैंटे ।
घैंलेलाई नजिकबाट चिन्ने सामाखुसीकै स्थानीय शान्त श्रेष्ठका अनुसार प्रमिला र घैंटेबीच सात वर्षअघि नै सम्बन्धि विच्छेद भएको थियो । बिहे गरेको केहि समयमा नै मनमुटाब हुने गरेकोमा जेनतेन केहि वर्षसँगै घैंटे र प्रमिलाले बिताएपनि अन्नत ७ वर्षअघि उनीहरु कानुनी रुपमै छुट्टिएको श्रेष्ठको भनाई छ ।
दुईबीचको उमेरमा अन्तर हुँदा ‘मिस अन्डरस्ट्याण्डिङ’ हुन पुगि काठमाडौं जिल्ला अदालतमा उनीहरुबीच सम्बन्धबिच्छेद भएको भएको आफूले थाहा पाएको श्रेष्ठले रातोपाटीलाई जानकारी दिए । अहिले प्रमिला बेलायतमा रहेको र उनको घैंटेको परिवारसँग कुनै सम्बन्ध नभएको बताइएको छ ।
बाबु (घैंटे) मरेको थाहा छैन सिम्रिकालाई
घटना घट्ने दिनसम्म बाबु (घैंटे) सँगै बस्थित सिम्रिका । जुन दिन घैंटेले नै विद्यालयको लागि तयार गरि छोरीलाई विद्यालय पुर्याएर फर्किएका थिए । तर, छोरी पुर्याएर कार्यालयमा एकै छिन बसेर घर फर्किँदै गर्दा घैंटेको ज्या भएको थियो ।
श्रेष्ठका अनुसार राजधानीको एक विद्यालयमा कक्षा ५ मा अध्ययनरत सिम्रिकालाई हालसम्म पनि बाबु मारिएको जानकारी दिइएको छैन । ‘घटना घटेको समयमा (बिहिबार) विद्यालयमा रहेकी सिम्रिकालाई विद्यालयबाट कपुरधारास्थित घरमा नलगेर ठूलोबुबाको घरमा लगिएको थियो । उनी अहिले पनि ठूलोबुबाकै घरमा रहेकी छन् ’, श्रेष्ठले रातोपाटीसँग भने ।
सिम्रिकाले बाबुबारे चासो राख्दा जरुरी कामले मलेसिया भएको र उनी चाँडै फर्किने भनि जानकारी नदिएको उनको भनाई छ ।
परिवारको जवाफपछि उनी अहिले पनि बाबु ज्यूदै रहेकोमा विस्वस्त हुँदै सामान्य अवस्थामा रहेको बुझिएको छ । यद्यपी घटनाबारे न्यायिक छानबिन आयोग बन्ने हुने ग्यारेन्टी भएपछि अन्तेष्टि गर्ने समयमा उनलाई सबै जानकराी दिने परिवारको तयारी रहेको उनको भनाई छ ।
कांग्रेसका केहि सभासदको सहयोगमा न्यायिक छानबिन आयोगको माग गर्दै परिवारले अहिलेसम्म शब बुझन मानेका छैनन् । कांग्रेस सभासद जगदीश्वर नरसिंह केसीले प्रहरीले नागरिकलाई षड्यन्त्रपूर्वक हत्या गरेको आरोप लगाउँदै घटनाको न्यायिक छानबिन नभएसम्म परिवारले शब नउठाउने जानकारी दिए । संसदमा समेत छानबिन समितिको गठन हुनुपर्ने माग राख्ने सोहि पक्ष हिजोमात्रै सोहि विषयलाई लिएर राष्ट्रिय मानवअधिकार आयोगमा समेत पुगेको थियो । भिडियो हेर्न तलको बाकस थिच्नुहोस

Write Comment Below:

No comments:

Post a Comment