Thursday, August 20, 2015

घैंटेलाई मार्न गएका तीन प्रहरीलाई गोली लाग्यो

दैनिक नेपाल२०७२ भदौ ३
काठमाडौँ, ३ भदौ । गुन्डा नाइके कुमार लामा ‘घैँटे’ प्रहरी कारबाहीमा मारिएका छन् ।
खोजतलासको क्रममा रहेको प्रहरीको टोलीलाई घैँटे नेतृत्वको टोलीले आज स्थानीय सामाखुसीमा आक्रमण

गरेपछि प्रहरीको जवाफी कारबाहीमा उनी मारिएका प्रहरी प्रवक्ता कमलसिंह बमले बताउनुभयो ।
“प्रहरीमाथि जाई लागेपछि दोहोरो भिडन्तमा घाइते भएका घैँटेको उपचारका क्रममा त्रिभुवन विश्वविद्यालय शिक्षण अस्पतालमा मृत्यु भएको हो” – नाइके समूहका सुरेन्द्र महर्जन र राज महर्जन घाइते भएको जानकारी दिँदै प्रहरी नायब महानिरीक्षक बमले बताउनुभयो ।
उहाँका अनुसार दोहोरो भीडन्तमा दुईजना प्रहरी सहायक निरीक्षक र एकजना प्रहरी जवानलाई गोली लागेको छ । गोली लागेर घाइते तीनै जना प्रहरी कर्मचारीको वीर अस्पतालमा उपचार भइरहेको छ ।
साथै घैँटे समूहका महर्जनद्वयको त्रिभुवन विश्वविद्यालय शिक्षण अस्पतालमा उपचार भइरहेको जानकारी पनि उहाँले दिनुभयो ।

भिडियो हेर्न तलको बाकस थिच्नुहोस

Write Comment Below:

No comments:

Post a Comment