Friday, August 14, 2015

सावधान ! तपाईं यसरी पनि ठगिन सक्नुहुन्छ

महानगरीय अपराध महाशाखाका एसपी प्रकाश अधिकारीसँग शुक्रबार एक व्यक्ति गुनासो गर्दै थिए, ‘तपाईंविरुद्ध प्रहरीमा साइबर क्राइम मुद्दामा उजुरी परेको छ, ५० हजार रुपैयाँ दिए मिलाइदिन्छु नत्र फस्नुहोला भन्दै धम्क्याए सर आफूलाई प्रहरी बताउने एक व्यक्तिले आफूलाई ब्ल्याकमेलिङ गरिरहेको उनको गुनासो थियो ।
आजको नयाँ पत्रिका दैनिकमा खबर छ । ती व्यक्तिको कुरा नसकिँदै एक व्यवसायी एसपी अधिकारीको कार्यकक्षमा प्रवेश गरे । उनी आफ्नो एक पूर्वकर्मचारीले १० वटा ल्यापटप तथा मोटरसाइकल गरी १० लाखभन्दा धेरै ठगी गरेको उजुरी लिएर पुगेका थिए ।महाशाखाको अर्को छेउमा दरबारमार्गमा वाइन पसल सञ्चालन गर्ने एक युवती डन गणेश लामालगायतले आफूहरूको डेढ लाख रुपैयाँ नदिएको भन्दै गुनासो गरिरहेकी थिइन् । शुक्रबार मात्र होइन, हरेक दिन प्रहरी कार्यालयमा ठगीका उजुरी गर्न आउनेको बिहानदेखि बेलुकासम्म भीड लाग्छ ।टेकुस्थित अपराध महाशाखा तथा काठमाडौं परिसरमा पुग्ने सर्वसाधारणमध्ये करिब ८० प्रतिशतका ठगीसम्बन्धी समस्या हुन्छन् । ‘उपत्यकाको ठगीबारे कुरा गर्ने हो भने तीन दिन लाग्छ,’ ठगी घटनाको अनुसन्धान गर्दै आएका अपराध महाशाखाका एसपी अधिकारी भन्छन्, ‘उपत्यकामा ठूलो समूह ठगको जालोमा परेको देखिन्छ ।’ सरकारी जागिर खुवाउने, आकर्षक कमाइ हुने विदेश पठाउने, आकर्षक ब्याज दिनेदेखि सस्तोमा डलर साटिदिने तथा सस्तोमा सुन बेच्ने भनेर ठगी हुने गरेको छ । www.etajakhabar.com

Write Comment Below:

No comments:

Post a Comment