Wednesday, August 26, 2015

निषेधाज्ञा तोड्दा परासीमा गोली चल्यो

परासी : नवलपरासी सदरमुकाम परासीमा बुधवार दिउँसो मधेसी दलका कार्यकर्ता र प्रहरीबीच झडप हुँदा एक प्रदर्शनकारी गोली लागेर घाइते भएका छन् ।

सदरमुकाम परासीमा जारी निषेधाज्ञा तोडेर अघि बढ्ने क्रममा प्रदर्शनकारीमाथि प्रहरीले दर्जनौ अश्रु ग्यास र केही राउण्ड हवाई फायर गरेको छ ।

प्रदर्शनकारीले महेशपुर चोकस्थित बाईपास रोडमा राखिएको निषेधाज्ञा लेखिएको सूचना बोर्ड फ्याकेपछि झडप सुरु भएको प्रमुख जिल्ला अधिकारी हरिप्रसाद मैनालीले बताए ।

प्रदर्शनकारीहरु बाइपास रोडको दुईतिरबाट अघि बढेपछि प्रहरीले स्थिति नियन्त्रण गर्न गोली प्रहार गरेको बताएको छ ।

ढाडमा गोली लागेका बिहडी धोकको उपचार हुँदै । तस्बिर : हरि शर्मा
गोली लागेर सनई–९ पडरीका बिहडी धोवी घाइते भएका छन् । उनको पृथ्वीचन्द्र अस्पताल परासीमा उपचार हुन नसकेपछि भैरहवा मेडिकल कलेज पठाइएको छ ।
प्रदर्शनका क्रममा गोलीको छर्रा लागेर रामग्राम नगरपालिका–५ की मुन्नी जयसवाल घाइते भएकी छन् ।

आन्दोलनकारीहरु सदरमुकाम प्रवेश गर्ने स्थान महेशपुर चोकस्थित बाईपास रोड, मञ्जरिया चोक र शान्ति चौरमा जम्मा भएर निषेधाज्ञा तोड्ने प्रयास गरेपछि झडप भएको थियो ।

अहिले जिल्ला सदरमुकामको स्थिति तनावपूर्ण छ । स्थानीय प्रशासनले सोमबार साँझदेखि एक हप्तासम्म परासी सदरमुकामसहित बर्दघाटको भूताहासम्मका लागी निषेधाज्ञा जारी गरेको छ ।  


निषेधित क्षेत्रतर्फ अघि बढेका प्रदर्शनकारीलार्इ बन्दुक ताक्दै सशस्त्र प्रहरी । तस्बिर : हरि शर्मा

गोलीको छर्रा लागेर घाइते मुन्नी जैसवाल। तस्बिर : हरि शर्मा

अश्रुग्यासले आँखा पोलेपछि पत्रकारसँग पानी माग्दै सशस्त्र प्रहरीका जवान । तस्बिर : हरि शर्मा

परासीमा प्रदर्शन गरिरहेका मधेसी दलका कार्यकर्ता । तस्बिर : हरि शर्मा
www.annapurnapost.com

Write Comment Below:

No comments:

Post a Comment