Wednesday, August 19, 2015

बाबुरामले भने– ‘सम्झौदा गर्नुपर्दा मन दुःखेको छ’

५ विकास क्षेत्रलाई नै ५ प्रदेश बनाउने भन्ने हल्लामात्रै


काठमाडौं, भदौ २– एमाओवादी नेता डा बाबुराम भट्टराईले प्राप्त उपलब्धीलाई संस्थागत गर्ने क्रममा आफ्नो पार्टीले केहि सम्झौता गर्नुपरेको स्वीकार गर्दै त्यसबाट आफूलाई पीडाको अनुभूति हुनु स्वाभाविक भएको टिप्पणी गरेका छन् ।

‘प्राप्त उपलब्धीलाई संस्थागत गर्ने क्रमा हाम्रो पार्टीले केहि सम्झौता गर्नुपर्यो’, बुधबार पार्टी कार्यालय पेरिसडाँडामा आयोजित जनयुद्धका सहिद रामबृक्ष यादवको स्मृति सभामा आयोजित कार्यक्रममा भट्टराईले भने, ‘गणतन्त्र धर्म निरपेक्षता, समावेशीतालगायतका मुद्धालाई जोगाएर पहिचान र सामथ्र्यको आधारमा ६ संघीय प्रदेश आएपनि केहि सम्झौता भएकै हो यसमा हाम्रो पनि पनि दुखेको छ ।’
उनले गणतन्त्र धर्म निरपेक्षता, समावेशतालगायतका मुद्धालाई जोगाएर पहिचान र सामथ्र्यको आधारमा ६ प्रदेशको निर्माण हुनु पनि ठूलो उपलब्धी हो भन्दै त्यसमा पनि जनस्थरबाट केहि सुधारको आवाज उठेकाले पुर्नविचार गर्न सकिने बताए ।
विशेषगरी कर्णाली र थारुहटमा केहि समस्या देखिएको भन्दै त्यस विषयमा दलहरुबीच छलफल चलिरहेको र चाँडै निश्कर्षमा पुगिने भट्टराईले बताए ।
चार दलले ल्याएको सीमांकनसहितको ६ प्रदशेमध्ये २ नम्ब्र प्रदेश सबै रुपमा उत्कृष्ट प्रदेश रहेको भन्दै यसमा कसैले पनि चित्त दुखाउने ठाउँ नरहेको भटट्राईले दाबी गरे । उनले संघीयताका विषयमा दलहरुबीच गहन छलफल भएको र अहिले ६ प्रदेशमा टुंगोमा पुगेको स्मरण गर्दै देशले धेरै प्रदेश थेप्न नसक्ने र ६ प्रदेश नै उत्तम भएको तर्क समेत गरे । भट्टराईले केहि नेताहरुले ५ विकास क्षेत्रलाई नै ५ प्रदेशको रुप दिने विषयमा दलहरुबीच छलफल चलिरहेको सार्वजनिक गरेपछि त्यसलाई हावादारी भएको टिप्पणी गर्दै कसैले भन्दैमा पुरानै संरचनालाई संघीयताको रुप दिन नसकिने स्पष्ट पारे । फरक प्रसंगमा उनले देश धर्म निरपेक्ष भइसकेको अवस्थामा फेरि हिन्दु राष्ट्र बनाउने भन्ने कुनै नआउने बताए ।

भिडियो हेर्न तलको बाकस थिच्नुहोस

Write Comment Below:

No comments:

Post a Comment