Friday, August 14, 2015

बसले किचेका घाइतेलार्इ किशोरीले यसरी बचाइन्

एजेन्सी : नेपालमै हुने सडक दुर्घटनाका घाइतेहरूलार्इ तत्कालै अस्पताल पुर्याउनुको साटो तपार्इँ हामी रमिते बनेर बस्छाैं । कानुनी झमेला र समस्यामा पर्ने डरले हामी हत्तपत्त्त दुर्घटनामा परेकाहरूलार्इ सहयोग गर्न अघि सर्दैनाैं ।

तर चीनमा एक १५ वर्षीया किशोरीले सडक दुर्घटनाका एक घाइतेलार्इ गरेको सहयोग अहिले सामाजिक सञ्जालमा चर्चाको विषय बनेको छ ।



केही दिनअघि चीनमा एउटा अनाैठो घटना भयो । एक १५ वर्षकी किशोरीले सडक दुर्घटनामा घाइते भएका एक युवकलार्इ गरेको मद्दतले सामाजिक सञ्जालमा  चर्चा पाएको हो ।

सडक दुर्घटनामा गम्भीर घाइते भएका एक युवकलार्इ साथ दिन ती किशोरीले अाफूलार्इ मानव सिरानी 'ह्युमन कुशन' बनाएपछि उनको तारिफ भएको हो।

मानव सिरानी बनेकी ती किशोरीको फोटो उनी सवार बसकै अर्का यात्रुले खिचेर सामाजिक सञ्जालमा हालिदिएपछि उनको प्रंशसा भइरहेको छ । सडक दुर्घटनामा घाइते भइ ढलेका व्यक्तिलाार्इ उनले गरेको सहयोग अन्तर्राष्ट्रिय समाचार नै बनेको हो ।

४ अगस्टमा चीनक दक्षिण-पश्चिम चीनको चोङ्गक्किङ्गमा भएको यो घटनामा १५ वर्षीया किशोरी म्यु म्युटिङ्गलार्इ परीकारूपमा ब्याख्या गर्दै उनको कामको प्रशंसा भएको हो ।
बेलायती अनलाइन मिररमा प्रकाशित समाचार अनुसार म्यु यूटिङ्ग चेङ्गक्विङ्ग फुलिङ्ग मेडिकल स्कुलकी विद्यार्थी हुन् । तस्बिरमा ती घाइते व्यक्तिको शिर अाफ्नो काखमा राखेर सहयोग गरेपछि उनी अहिले चीनमा चर्चित भएकी हुन् ।

समाचार अनुसार घाइते व्यक्ति तस्बिरमा देखिएको बस अगाडि दुर्घटनाको शिकार बनेका थिए । दुर्घटनापछि ढलेका उनलार्इ म्यु युटिङ्गले तुरून्तै बसमा लिएर आइन् ।

घाइते व्यक्तिको उपचारका लागि अाइपुग्न प्यारा-मेडिक्सको टिमलार्इ ३० मिनेट लागेको थियो । उपचार टोली नअाउनजेल म्यु यूटिङ्गले ती ब्यक्तिलार्इ एक्लै सम्हालिरहिन् ।
annapurnapost.com

Write Comment Below:

No comments:

Post a Comment