Wednesday, August 12, 2015

कोरियामा वीरेन्द्रको शव तीनसम्म कोठाभित्रै

दक्षिण कोरिया: रोजगारीका लागि दक्षिण कोरियामा आएका एक युवक मृत अवस्थामा भेटिएका छन्। नवलपरासी बडेरा घर भएका वीरेन्द्र प्रसाद चौधरीको मृत शरीर बुधबार बिहान भेटिएको हो।

४२ वर्षीय चौधरी उईजङबो दोङदुछनमा स्थित सेरिम टेक्सटायल कम्पनीमा कार्यरत थिए । चौधरी डेढ महिना अघि देखि उक्त कम्पनिमा कार्यरत थिए ।


चार वर्ष १० महिने कार्यवधि सकेर अबैधानिक भएपछि उक्त कम्पनिमा स्थानान्तरण भएका थिए। व्यक्तिगत खर्चमा छुट्टै कोठामा बस्दै आएका चौधरी आइतबार साँझ अन्य नेपाली साथीहरुसंगै खाना खाएर छुट्टिएको सोहि कम्पनीमा कार्यरत स्याङ्गजा पेलाकोटका हरि प्रसाद अधिकारीले जानकारी दिए।

तीन दिन काममा अनुपस्थित रहेपछि बुझ्न जाँदा उनको कोठा शवले दुर्गन्धित भएको र घरबेटीले प्रहरी बोलाएर कोठा खोलेका थिए। तीन दिन अघिनै मृत्यु भएको आशंका गरिएको छ।

मृतकको परिवारलाई दुतावास मार्फत जानकारी गराइएको छ । नेपाली दुतावासका श्रम सहचारी अनिल गुरुङ उनि कार्यरत कम्पनीमा पुगी घटना बारे जानकारी लिएका थिए।

बिहिबार पोस्टमार्टम सकेर शव नेपाल पठाउने प्रक्रिया गरिने सहचारी गुरुङले जानकारी गराए । अवैधानिक भइ मृत्यु हुनेहरुको शव ढुवानी शुल्क सरकारले नबेहोर्ने हुनाले साथीहरुले पहल गरि आर्थिक जोहो गरेर पठाउने गरिएको छ । एकजनाको शव नेपाल पठाउँदा करिब ५ लाख रुपया लाग्ने गरेको छ।
-annapurnapost.com

Write Comment Below:

No comments:

Post a Comment