Friday, August 21, 2015

घैंटे मारिएको विरोधमा सामाखुसीक्षेत्र बन्द

काठमाडौं : प्रहरीको इन्काउन्टरमा गुण्डा नाइके कुमार घैंटे मारिएको विरोधमा शुक्रबार सामाखुसी बजार क्षेत्र बन्द गरिएको छ ।

घैंटेका समर्थक युवा र कांग्रेसका कार्यकर्ताहरुले सामाखुसी बजार क्षेत्र बन्द गराएका हुन् । बन्दका कारण सार्वजनिक सवारी साधन, बजार र शैक्षिक संस्था ठप्प भएका छन् ।

उनका समर्थकहरुले शक्रबार बिहान सामाखुसीमा विरोध जुलुस पनि निकालेका छन् । प्रहरीले बाँच्न पाउने अधिकार खोसेको भन्दै युवाहरुले प्रहरी र गृहमन्त्रीविरुद्ध नाराबाजी समेत गरे ।

बन्दकर्ताले प्रहरीले अपराधीको शैलीमा कुमारको हत्या गरेर उनको बाँच्न पाउने अधिकार खोसेको बताए ।

उनीहरुले अपराध गरेको भए जेलमा हाल्नुपर्ने बताउँदै राज्यले नै कुमारको बाँच्न पाउने अधिकार खोसेर आतंककारीको शैली देखाएको दाबी गरे ।

बन्दका कारण सामाखुसीमा बजार फाट्टफुट्टमात्र खुलेका छन् । त्यस क्षेत्रमा माइक्रो बस चल्न सकेका छैनन् । साना सवारीसाधनहरुमात्र सञ्चालनमा आएका छन् ।

प्रहरीले बिहीबार बिहान सामाखुसीको बालकुमारीमा बस्दै आएका घैंटेलाई उनकै घर अगाडि गोली हानेपछि ज्यान गएको थियो । www.annapurnapost.com

Write Comment Below:

No comments:

Post a Comment