Friday, August 21, 2015

एक्लिँदै बिजय गच्छादार, शीर्ष ४ दलको घटकबाट पनि बाहिरीने

काठमाडौँ, भदौ ४ । संघीय संरचनामा ७  वा ६ प्रदेशमा जाने भन्नेमा दलहरुबिच एकैमत भइनसकेका बेला प्रस्तावित सात प्रदेशको नयाँ सीमांकनमा समेत आफ्नो माग सम्बोधन नभएको भन्दै मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले समिति बैठक बहिष्कार गरेका छन् ।


तराइ केन्द्रीत दलबाट छुट्टीएर शीर्ष ३ दलको खेमामा आइपुगेका गच्छादारले विशेष समितिबाट पनि बाहिरिने तयारी गरेको स्रोतले जनाएको छ । शीर्ष ३ दलहरुले आफ्ना मागमा कुनै चासो नदेखाएकाले आफुले यस्तो अप्रीय निर्णय लिनुपरेको उक्त दलका एक नेता राम जनम चौधरीले बताए ।

फोरम लोकतान्त्रिक झापा, मोरङ, सुनसरी तथा नवलपरासी र कञ्चनपुरका विषयमा असन्तुष्ट छ । यसैबिच अहिले साढे चार बजे फोरमले पत्रकार सम्मेलन गरेर औपचारिक निर्णय गर्दैछ । यसअघि ८ प्रदेशमा सहमति गरेको फोरम लोकतान्त्रिकले काँग्रेसको अडानमा ६ प्रदेश मान्न तयार देखिएको थियो । यसरी मधेसी र शीर्ष दलहरुबाट टाढीँदै गएको फोरम लोकतान्त्रिक कता जाँदैछ त्यो भने भविष्यले नै देखाउला ।

/www.etajakhabar.com

Write Comment Below:

No comments:

Post a Comment