Monday, August 10, 2015

भुकम्पले चर्केको घर भत्कँदा एकको मृत्यु, दुई घाइते

अर्घाखाँची : अर्घाखाँचीको सन्धिखर्कमा वैसाखको भूकम्पले चर्किएको घर गएराति भत्कँदा एक जनाको ज्यान गएको छ । घटनामा दुईजना घाइते भएका छन ।

सन्धिखर्क नगरपालिका–बांगला खरीपाटाका रामप्रसाद खत्रीको घर भत्कँदा प्युठान जिल्ला अर्खा गाविस–२ का प्रशान्त थापाको छोरा ९ वर्षीय तिलक थापाको ज्यान गएको जिल्ला प्रहरी कार्यलय अर्घाखाँचीका प्रहरी निरीक्षक युवराज तिमिल्सिनाले बताए ।

घर भत्कँदा तिलककी आमा र ६ वर्षीय भाइ घाइते भएका छन् । उनीहरुको जिल्ला अस्पताल सन्धिखर्कमा उपचार भैरहेको छ । प्युठान घर भएका प्रशान्तको परिवार मजदुरीको सिलसिलामा अर्घाखाँचीमा बस्दै आएको थियो ।

उनका बाबु कामको सिलसिलामा घर बाहिर रहेका र दिदी पनि घरमा नभएकोले उनीहरु बाँचेका जिल्ला प्रहरी कार्यलय अर्घाखाँचीले बताएको छ ।www.annapurnapost.com

Write Comment Below:

No comments:

Post a Comment