Thursday, August 20, 2015

घैटेको सुनियोजित हत्या भएकाे काँग्रेस नेता अर्जुननरसिंह केसीकाे भनाई

काठमाडौं । नेपाली काँग्रेसका नेता अर्जुननरसिंह केसीले ‘गुण्डा नाइके’ कुमार घैंटे मारिएकोमा आक्रोश व्यक्त गरेका छन् ।
केसीको राजनीतिक गतिविधिमा सहयोग गर्दै आएका घैटे मारिएपछि प्रतिक्रिया दिँदै केसीले घैंटमाथि इन्काउन्टर नभएर सुनियोजित हत्या भएको टिप्पणी गरेका हुन् ।
काँग्रेस कार्यकर्ता समेत रहेको घैंटेमाथि गोली प्रहार भएपछि केसीसहितका केही काँग्रेस नेता महाराजगञ्जस्थित शिक्षण अस्पताल पुगेका थिए ।
मान्छे मार्न नपाइने भन्दै केसीले घैटेको हत्या गरेर प्रहरीले कानुनको धज्जी उडाएको आरोप लगाएका छन् ।
प्रहरी कारबाहीमा गम्भीर घाइते भएका घैटेलाई शिक्षण अस्पताल लगिएलगत्तै चिकित्सकहरुले मृत घोषित गरेका थिए ।
उनी अवैध चन्दा असुली गर्ने, हतियार देखाएर धम्क्याउने तथा गुण्डागर्दीमा संलग्न भएको आरोपमा प्रहरीको मोस्ट वान्टेडको सूचीमा रहेका थिए । एक वर्षअघि पनि प्रहरी इन्काउन्टरमा अर्का गुण्डा नाइके दिनेश अधिकारी चरी मारिएका थिए ।
www.nepalsandesh.com

Write Comment Below:

No comments:

Post a Comment