Wednesday, August 26, 2015

दिपालाई हेर्दै दीपकराज गिरीले भने उनी मेरी अस्थायी पत्नी

पोखरा, भदौ ९ । अविवाहित कलाकारलाई विहेको प्रश्नले सदाबहार हैरान पार्ने गर्छ । त्यस्तै भएको छ कोमल वली, दिपाश्री निरौला, नन्दिता केसी, लगायतका कलाकारहरुलाई । जुन हैरानीबाट राजेश हमालले हालसालै छुट्टी पाएका छन् भने अहिले यस्तै विषयमा हैरानी खेपीरहेकी छिन् दिपाश्री निरौला ।

निरौला स्पष्ट वक्ता भएकाले पनि उनी नहिचकिचाइ भन्छिन् कसैले दिपक तपाइको पति हो भन्यो भने पनी अस्थायी हो, पर्दामा मात्रै हो भन्न उनलाई कुनै आपत्ति नै छैन । यस्तै भयो मंगलबार पोखरामा । बर्षैदेखि सँगै एउटै पर्दामा काम गर्दै आएको यो जोडी आफ्नो लगानीको नयाँ फिल्म वडा नम्बर छको प्रमोशनका लागि पोखरा पुगेका बेला यही प्रश्नको उत्तरमा दीपकले हामी दुई अस्थायी पति पत्नी हौ भन्न सम्म भ्याए ।

दुवैले सम्बन्धका कारण उब्जिने प्रश्नलाई सामान्य रूपमा लिए। साथै आएका निर्देशक दिनेश डीसीले विगत सम्झाइदिएपछि कुरा गर्न सहज भयो। दुवैको ब्यानरको अघिल्लो फिल्म ‘छ एकान छ’ को निर्देशन दिनेशले नै गरेका थिए, जसलाई दुवैले गुरुका रूपमा सम्बोधन गरे। दीपक विवाहित हुन् भने दीपा अहिलेसम्म पनि अविवाहित छिन्। टेलिसिरियल ‘तीतो सत्य’ बाट लोकप्रियता हासिल गरेका यी जोडी पछिल्लो क्रममा ठूलो पर्दामा अभिनयसँगै सिनेमा निर्माणमा समेत जुटेका छन् ।

www.etajakhabar.com

Write Comment Below:

No comments:

Post a Comment