Thursday, August 20, 2015

भैंसी काट्नेले एकैपटक ५ मान्छे मारेपछि…

पाप धुरीबाट कराउँछ भन्ने उक्ती यतिबेला चन्द्रबहादूर पहरीको हकमा लागू होला । १२ वर्षअघि गरेको हत्याको रहस्य खुलेपछि उनी अहिले प्रहरी खोरमा छन् । उनलाई प्रहरीले पक्राउ गरेरसार्वजनिक गरेको छ । के गरेका थिए चन्द्रबहादूर पहरीले निर्मम ढंगबाट घाँटी रेटी हत्या गरिएको अवस्थामा ललितपुर बडिखेलमा एकै परिवारका ५ सदस्यको लाश २०६० साल असोज १६ गते भेटिएको थियो । त्यसपछि अहिलेसम्म घटना रहस्यमै रह्यो ।
बडिखेलस्थित खेल गाउँमा एकै परिवारका ५ जनाको हत्या हुदाँ पुरै गाउँ स्तब्ध बनेको थियो । घटनामा भानु नगरकोटी र उनकी श्रीमति धनकुमारी नगरकोटी मात्रै मारिएनन् निर्दोष एक छोरा र दुई छोरीको समेत हत्या भयो । १३ वर्षका रविन्द्र नगरकोटी, १० वर्षकी लुरी नगरकोटी तथा ८ वर्षकी टुकुली नगरकोटी समेतको शव उनीहरुकै ओछ्यानमा घाँटी रेटिएको अवस्थामा फेला परेको थियो । प्रहरीले अहिले हत्यारा चन्द्रबहादुर पहरीलाई पक्राउ गरेर सार्वजनिक गरेको छ । नगरकोटीको परिवारसँगै बस्ने चन्द्र बहादुर राँगा काट्ने काम गर्दथे । उनी पछिल्लो ३ वर्षयता भने भक्तपुर चागुनारायणमा बसाई सरेको प्रहरीले जनाएको छ । किन गरे पहरीले हत्या प्रहरी अनुसन्धानबाट फलामको धारिलो हतियार प्रहार गरेर घाँटी रेटी भानु नगरकोटीको परिवारको हत्या भएको रहस्य खुलेको थियो । तर लामो समयसम्म प्रहरीले अपराधीलाई पक्राउ गर्न सकेको थिएन । प्रहरीका अनुसार नातामा चन्द्रबहादूर पहरी भानु नगरकोटीको ज्वाई पर्छन् । तर भानु नगरकोटी र आफ्नी पत्नी सुर्यकुमारी पहरीबीच अनौतीक सम्बन्ध रहेको आशंका चन्द्रबहादूरले गरेका थिए । उनले सुर्यकुमारी र भानुबीचको सम्बन्धका विषयमा अरु कोही नभएर भानुकै छोरीहरुबाट थाहा पाएको बयान दिएका छन् । घटना हुनु ५–६ दिनअघि दुई परिवारबीचमा झगडा भएको थियो । त्यतिबेला चन्द्रबहादुरले आफ्नो बहिनी र ज्वाईलाई मार्ने धम्की दिएका थिए । त्यसपछि दशैँको अस्टमीका दिन चन्द्र बहादुर पहरीकै आमाको घरमा राँगाको मासू बोकेर मृतक भानु नगरकोटी आफ्नो घर गएका थिए । त्यसरात चन्द्रबहादूर र भानु दुबै आ–आफ्नो घरमा भोज गर्दैथिए । त्यसपछि अत्याधिक मदिरा सवेन गरेपछि ५–६ दिनअघिको झगडा संझेर बहिनी ज्वाईको हत्या गर्ने सोचमा पुगेको चन्द्रबहादूर पहरीले प्रहरी समक्ष बताएका छन् । उनले घरमा श्रीमती तथा परिवारका अन्य सदस्यलाई थाहा नदिई भानुको घर गएको बयान दिएका छन् । भानुकै घरमा मासु काट्ने हतियार फेला पारेपछि त्यही हतियारले भानुलाई सिध्याउने सोचका राखेका चन्द्रबहादूर पुग्दा भानुको कोठामा त्यस दिन श्रीमान् श्रीमती थिएनन्, भानूका छोरा रविन्द्र नगरकोटी र छोरी लुरी सुतिरहेका थिए । चन्द्रबहादूरले रिसको झोकमा उनीहरुमाथि प्रहार गरे । तर प्रहार गरिसकेपछि मात्रै उनलाई भानु नभएर उनका छोरा–छोरीको हत्या गरेको हेक्का भयो । लगत्तै उनी अर्को कोठामा गए र सुतिरहेका भानुका श्रीमान् –श्रीमतीसँगै कान्छी छोरी ८ वर्षीया टुकुलीको उस्तै निर्मम तरिकाले घाँटी रटेर हत्या गरे । उनले हत्यापछि सबै प्रमाण नस्ट गर्ने उद्धेश्यसहित उनले घाँटी रेट्दा प्रयोग गरेको हतियार भानु नगरकोटीको घर नजिकै रहेको खोल्सामा फालेका थिए । त्यस्तै हत्याका समय प्रयोग गरेको कपडा पूर्वपट्टी रहेको ठूलो खोलामा फाले । त्यसपछि चन्द्रबहादूरकै कान्छा छोरा महेश्वरले भोलीपल्ट भानु नगरकोटीको परिवारको हत्याका विषयमा सुनाउँदा उनले केही थाहा नपाएजस्तो गरेका थिए । आफ्नो जेठो छोरा कालेले दिएको हैरानीका कारण पछिल्लो समय भक्तपुरमा बस्दै आएको उनले प्रहरी समक्ष बताएका छन् । www.ratopati.com

Write Comment Below:

No comments:

Post a Comment