Wednesday, August 12, 2015

सिरियाको राजधानीमा भीषण रकेट आक्रमण

दमासकस :  सिरियाको राजधानी दमासकसमा बुधबार भएको एक रकेट आक्रमणमा चार व्यक्तिको मृत्यु भएको छ । सिरियाली गृह मन्त्रालयले बुधबार नै सो जानकारी दिएको छ ।

दमासकसको आवासीय क्षेत्रमा आतङ्ककारीद्वारा रकेट आक्रमण गर्दा चार व्यक्तिको मृत्यु हुनुको साथै अन्य ५८ व्यक्ति घाइते भएका राज्यद्वारा सञ्चालित सञ्चारमाध्यमलाई उद्धृत गर्दै गृह मन्त्रायलले जानकारी दिएको छ ।

यस भीषण रकेट आक्रमणबाट भौतिक रुपमा नोक्सानी भएको सो मन्त्रालयले थप जानकारी दिएको छ । बेलायतसँग आवद्ध मानवअधिकारवादी समूह द सिरियन अब्जरभेटरी फर ह्युम्यान राइट्सका अनुसार दमासकसको मध्य क्षेत्रमा पर्ने इलाकामा ५० भन्दा बढी क्षेप्यास्त्र आक्रमण भएको र यसमा परी कम्तीमा चार व्यक्तिको मृत्यु भएको थियो ।

त्यसैगरी अब्जरभेटरी फर ह्युम्यान राइट्सका अनुसार सो रेकट आक्रमणमा कम्तीमा २० व्यक्ति घाइते भएका जनाएका थिए । घाइतेमध्ये केहीको अवस्था गम्भीर रहेको जनाइएको थियो । अधिकारीवादी समूहले यस आक्रमणको निन्दागर्दै यसलाई युद्ध अपराधको संज्ञा दिइएको छ

हवाई आक्रमणमा २७ को मृत्यु 

यसैबीच दमासकसनजिकै पूर्वी घोउटा क्षेत्रमा सरकारी पक्षले गरेको हवाई आक्रमणमा कम्तीमा पनि २७ व्यक्तिको मृत्यु भएको छ ।

बेरुतबाट प्राप्त भएको यस समाचारको विस्तृत विवरण भने प्राप्त भइसकेको छैन । तर हवाई आक्रमणमा सर्वसाधारण मारिएका मानवअधिकारवादी समूहले जानकारी दिएको छ ।

बेलायतसँगआवद्ध मानवअधिकारवादी समूह द सिरियन अब्जरभेटरी फर ह्युम्यान राइट्सका अनुसार यस हवाई आक्रमणबाट सिरियाली विद्रोहीहरुले रकेट आक्रमणको लागि तयार पारेको केन्द्र पनि ध्वस्त भएको बताइएको छ ।

विद्रोहीले गरेको रकेट आक्रमणमा परी कम्तीमा पनि चार व्यक्तिको मृत्यु भएको बताइएको छ । सिरियामा विद्रोहीलाई लक्ष्यगरी बारम्बार सरकारी पक्षले हवाई आक्रमण गर्ने गरेका छन ।

सिरियामा सन्.२०११ को मार्चबाट सरकारको विरुद्ध सुरु भएको द्वन्द्वमा परी हालसम्म दुई लाख ४० हजार व्यक्तिको ज्यान गइसकेको छ । त्यसैगरी जारी द्वन्द्वको कारण लाखौं व्यक्ति घाइते हुनुको साथै देशभित्र र छिमेकी देशमा शरणार्थी बन्न पुगेका छन् ।

Write Comment Below:

No comments:

Post a Comment