Wednesday, August 19, 2015

तौल घटाउनका लागि यसरी पिउनुहोस् पानी

पानीले हाम्रो तिर्खा मेटाउन मात्र नभई हाम्रो शरिरमा जमेको बोसोहरुलाई नष्ट गर्न पनि सहयोग गर्दछ । दिनमा कम्तीमा पनि तीन लिटर पानी पिउनाले शरिरको मेटाबोलिजम बढ्नुका साथै शरिरको क्यालोरी पनि बर्न हुने गर्दछ । तौल घटाउनका लागि तपाईं जीम गएर पसिना बगाउनुहुन्छ होला तर के तपाईंलाई तौल घटाउनका लागि पानी पनि निकै महत्वपूर्ण तत्व हो भन्ने थाहा छ ?

तौल घटाउनका लागि व्यायाम र डाइटिङका साथै पानीको सेवन धेरैभन्दा धेरै गर्नुपर्ने हुन्छ । प्यास लाग्दा मात्र पानी पिउने होइन । पानीलाई दिनभरी थोरै समयको अन्तरालमा पिइरहनुपर्ने हुन्छ । आज हामी तपाईंलाई तौल घटाउनका लागि पानी पिउने तरिकाको बारेमा जानकारी दिँदैछौँ ।

 १. खाना खानुभन्दा अघि पिउनुहोस् पानीः खाना खानुअघि दुई कप पानी पिउँदा खानामा कम रुची हुने हुँदा तपाईंको तौल घट्ने विज्ञानको मान्यता रहेको छ ।

२. भोक मेटाउने पानीः यदि तपाईंलाई निकै भोक लागेको छ र तपाईं हाई क्यालोरी भएको खाना खानबाट बच्न चाहनुहुन्छ भने पानी पिउनुहोस् ।

३. पेय पदार्थको सट्टा पानी पिउनुहोस्ः सोड वा कोल्डड्रिङ्क्सको सट्टा एक ग्लास पानी पिउनुहोस् । यदि यसमा कागती निचोरेर हाल्नु हुन्छ भने यो निकै पौष्टिक बन्ने गर्दछ ।

 ४. रक्सी पिउँदा पानीः रक्सी पिउँदा यसमा अवश्य पनि पानी हाल्नुहोस् ।

 ५. सलाद सँगै पानीः एक कचौरा स्वस्थ सलादसँग कोल्डड्रिङ्क्स पिउनुका सट्टा एक ग्लास पानी पिउनुहोस् । तपाईं जति धेरै पानी पिउनुहुन्छ त्यति नै तौल कम गर्नुहुन्छ ।

 ६. ग्रीन टिको सेवनः तौललाई छिट्टै घटाउनमा ग्रीन टि निकै लाभदायक हुन्छ । यसले शरिरको इम्युनिटि पावरलाई बढाउनुका साथै मेटाबोलिजम पनि बढाउँछ ।

 ७. पानी र व्यायामः व्यायाम गर्नुभन्दा पहिले निकै धेरै पानी पिउनु आवश्यक छ । यदि तपाईं जीममा वर्कआउट गर्नुहुन्छ भने बीच–बीचमा पानी पिउनुहोस् ।

८. तातो पानीको सेवनः तातो पानीको सेवनले शरिरको तौल निकै चाँडै कम हुने गर्दछ । तातो पानीलाई बिहान उठ्ने बित्तिकै पिउनुहोस् । तातो पानीमा कागती हाल्दा स्वाद बढ्ने र बोसो पनि घटाउने गर्दछ ।

९. दिनभरी गर्नुहोस् पानीको सेवनः दिनभरी पानी पिइरहँदा शरिर हाइड्रेट हुनुका साथै शरिरमा ऊर्जा कायम रहने गर्दछ र तौल पनि चाँडै घट्ने गर्दछ । (एजेन्सी)

Write Comment Below:

No comments:

Post a Comment