Sunday, August 30, 2015

चितवनमा बन्दकर्ता र व्यवसायीबीच झडप/प्रहरी निरिक्षकसहित केही घाईते

भदौ १३, चितवन ।
चितवन नारायणगढको पुल्चोकमा थारु बन्दकर्ता र व्यवसायीबीच झडप हुदा प्रहरी निरिक्षकसहित आधा दर्जन बढी घाइते भएका छन् । बन्दको प्रतिवादमा उत्रिएका व्यवसायी र बन्दकर्ताबीच झडप भएको हो ।

झडप रोक्ने  क्रममा प्रहरीले केहीबेर लाठीचार्ज गरेको थियो । झडपको क्रममा बन्दकर्ताले हानेको ढुङ्गाले लागेर प्रहरी निरिक्षक सत्यनारायण थापा घाईते भएका छन । उनको हातमा चोट लागेको छ । झडप पछि नारायणगढको स्थिती तनावपुर्ण भएको हाम्रा सहकर्मीले जनाएका छन् ।
पुर्वदेखी पश्चिमसम्मको तराई भू–भागमा ३ प्रदेश कायम गरिनुपर्ने, चितवनलाई प्रादेशिक राजधानी बनाउनुपर्ने लगायत माग राख्दै थारु कल्याणकारिणी सभाले आज चितवन बन्द आव्हान गरेको छ ।
बन्दका कारण यातायात, शैक्षिक संस्था तथा बजारपसल खुल्न नसक्दा जनजीवन प्रभावित भएको छ । पूर्वपश्चिम राजमार्गमा केही ठुला सवारी साधन तथा सार्वजनिक यातायातका साधन भने प्रहरीको स्कर्टिङमा सञ्चालन भइरहेको हाम्रा सहकर्मीले जनाएका छन् ।
radiokantipurdiary भिडियो हेर्न तलको बाकस थिच्नुहोस

Write Comment Below:

No comments:

Post a Comment