Friday, September 4, 2015

पूजा गरेर फर्केकी महिलामाथि सामुहिक बलात्कार

राजविराज : सप्तरी सदरमु्काम राजविराजमा मन्दिरमा पूजा गरेर घर फर्कँदै गरेकी एक महिला सामुहिक बलात्कारको शिकार बनेकी छिन् ।

प्रसिद्ध शक्तिपिठ छिन्नमस्तामा पूजा गरी घर फर्किने क्रममा दुई सन्तानकी आमा ३३ वर्षीया महिलालाई सात जनाको समुहले मंगलबार राति सामुहिक बलात्कार गरेको महिलाले बताएकी छिन् ।

बाटो छेउमै रहेको पोखरी किनारमा सामुहिक बलात्कार भइरहँदा चिच्याएकी उनको आवाज सुनेर पनि मोटरसाइकल र साइकलमा आवतजावत गरिरहेकाले उद्धार गर्न नआएको उनले गुनासो राखिन् ।

घटनालगत्तै पीडितले नजिकको प्रहरी चौकी पकरीमा जानकारी गराएपछि उनलाई उपचारार्थ राजविराजस्थित गनासिं सगरमाथा अञ्चल अस्पतालमा भर्ना गरिएको थियो ।

उनको स्तनमा दाँतले टोकेको निशान छ भने शरिरभरी कुटपिटको चोटपटक लागेको छ । उनले चिनेका दुई र नचिनेका पाँचजनाले बलात्कार गरेको भन्दै शुक्रबार जिल्ला प्रहरी कार्यालयमा जाहेरी दिएकी छन् ।

पीडित महिलाको अस्पतालमा स्वास्थ्य परिक्षण गरी अनुसन्धान थालिएको जिल्ला प्रहरी कार्यालयका प्रहरी निरीक्षक लालध्वज सुवेदीले जानकारी दिए ।

जिल्लामा यो वर्ष भएको बलात्कारको घटना संख्या हेर्दा महिलाहरु अत्यन्त असुरक्षित देखिएका छन् । कसैैलाई दाइजोको लोभीहरुले हत्या गरिरहेका छन् भने कसैलाई कामवासनाको शिकार बनाइरहेका छन् ।

प्रहरी तथ्यांकअनुसार छ महिनाको अवधिमा सामुहिक बलात्कारका चार जनासहित १५ जना महिला बलात्कृत भएका छन् ।

जसमा बालिकाको संख्या अत्यधिक रहेको छ । १५ बलात्कारका घटनामा १० बालिका र पाँच महिला बलात्कृत भएकी छिन् भने ३५ जना आरोपित देखिएका छन् ।

आरोपीहरुमा एक जना १३ र एक जना १५ वर्षका बाहेक ३३ जना युवा उमेरका रहेका छन् । प्रहरी कार्यालयले दर्ता गरेको १५ वटा मुद्दामध्ये एउटा मुद्दामा बालबिज्याई गरेका बालक तारेखमा र अर्का बालक धरौटीमा रिहा भएका छन् ।

बाँकी १३ वटा मुद्दामा ३३ आरोपितमध्ये सात आरोपी पुपक्र्षका लागि थुनामा छन्, नौ जना फरार छन् भने १७ जनालाई वारेण्ट सहितको म्यादी पुर्जी जारी भएको छ । annapurnapost.com

Write Comment Below:

No comments:

Post a Comment