Friday, September 4, 2015

हवल्दारलाई गोली हान्ने तीनजना पक्राउ

बर्दिया : बर्दियामा शुक्रबार बिहान भएको झडपमा गोली हानेर प्रहरी हवल्दार देवबहादुर पाण्डेको ज्यान लिने अभियोगमा तीनजना पक्राउ परेका छन्। पक्राउ पर्नेमा रामनरेश चौधरी,अविनाश थारु र रामहर्ष चौधरी छन्।

घरमा बसिरहेको अवस्थामा प्रहरीले आफना कार्याकर्ता पक्राउ गरेको थरुहट थारुवान संयुक्त संर्घष समितिका अध्यक्ष गोविन्द थारुले जानकारी  दिए । उनले प्रशासनले आफुहरुको आन्दोलनमा दमन गर्ने नीति लिएको बताउँदै पक्राउ गरेका आफना कार्यकर्ता बिना शर्त रिहा नगरे आफुहरु अझ सशक्त आन्दोलन गर्ने चेतावनी दिए ।

आन्दोलनकारीले कब्जा लिनका लागेका दुईवटा बसलाई छुटाउने क्रममा शुक्रबार बिहान मैनापोखरीमा भएको झडपमा गोली लागेर घाइते भएका उनको उपचारकै क्रममा मृत्यु भएको हो।


मैनापोखरमा भएको झडपमा आन्दोलनकारीबाट गोली चलाइएको थियो।  उनीहरुले घरेलु हतियारसमेत प्रहरीमाथि प्रहार गरेका थिए। बस छुटाइसकेपछि आन्दोलनकारीले हवल्दारमाथि आक्रमण गरेका थिए।
annapurnapost.com

Write Comment Below:

No comments:

Post a Comment