Tuesday, September 1, 2015

वीरगञ्जमा आन्दोलनकारीले प्रहरी चौकीमा बम हाने, चार जनाको मृत्यु

वीरगञ्ज, १५ भदौ । संयुक्त लोकतान्त्रिक मधेसी मोर्चाका कार्यकर्ताले वीरगञ्जका प्रहरी चौकीमा बम हानेका छन् ।
सोमबारदेखि तनावग्रस्त वीरगञ्जमा आन्दोलनकारीले सोमबार साँझ र मंगलबार स्थानीय प्रहरी चौकी र विटमा पेट्रोल र सुतली बम हानेको प्रहरीले जनाएको छ । आन्दोलनकारीको पेट्रोल र सुतली बम प्रहारबाट श्रीपुर र नगवा प्रहरी चौकीमा क्षति भएको छ । बम आक्रमणमा केही प्रहरी सामान्य घाइते भएका छन् ।
सोमबार स्थानीय प्रशासनले लगाएको कर्फ्यू तोड्दै प्रदर्शनमा उत्रिएका बन्दकर्ताले प्रहरी चौकीमा पेट्रोल र सुतली बम प्रहार गरेका हुन् । पर्साका प्रहरी उपरीक्षक दिवेश लोहनीने श्रीपुरमा प्रहरीमाथि हाते बम फालिएको र केही प्रहरी सामान्य घाइते भएको जानकारी दिनुभयो । ‘प्रदर्शनकारीहरु घरेलु हतियारसहित आक्रमणमा उत्रिएका छन्,’ उहाँले भन्नुभयो ।
चार प्रदर्शनकारीको मृत्यु
स्थानीय प्रशासनले लगाएको कर्फ्यू तोड्दै प्रदर्शनमा उत्रिएका मोर्चाका ४ आन्दोलनकारीको प्रहरीको हवाई फायरमा मृत्यु भएको छ । जिल्ला प्रहरी कार्यालय पर्साका प्रहरी प्रमुख एसपी दिवेश लोहनीले कर्फ्यू तोड्ने क्रममा वीरगञ्जमा चार जना आन्दोलनकारीको मृत्यु भएको जानकारी दिनुभयो ।
प्रहरीको गोली लागेर मृत्यु हुनेमा पर्सा मनरियाका धर्मराज सिंह, दिनानाथ साह, सोहन साह कलवार र भोला साह कानु रहेका छन् । झडपमा घाइते केहीको अहिले उपचार भइरहेको छ ।
यसअघि सोमबार पनि वीरगञ्जमा प्रहरीको गोली लागेर दिलिप सिंह चौरसियाको मृत्यु भएको थियो ।
dainiknepal.com

Write Comment Below:

No comments:

Post a Comment