Thursday, October 1, 2015

नेपाली मुलका भारतीयलाई लखे्ट्न सरकारी मान्छे नै घरघर छिरे

बिहीबार, १४ असोज
पश्चिबंगाल । भारतको पश्चिम बंगालको सत्तारुढ दल तृणमुल कांग्रेसले नेपाल भाषी भारतीय नागरिकहरुलाई भारत छाडेर नेपाल जान धम्की दिएका छन ।
जारी स्थानीय निर्वाचनमा नेपाल भाषीहरुले असहयोग गर्ने भएपछि उनीहरुले धम्क्याउन थालेका हुन् । भारतको सिलगुडी, नक्सलबासीका नेपालीभाषी समुदायका भारतीय नागरिकहरुलाई तृणमुल कांग्रेसका कार्यकर्ताले घर घरमै गएर धम्क्याउन थालेका हुन् ।
उनीहरुलाई धम्क्याइएकोमा भारतमा चौतर्फी विरोध भएको छ । सिलगुडी महकुमा स्थानीय परिषद् र पञ्चायतका विभिन्न पदहरुमा निर्वाचन हुँदै छ ।
नेपाली भाषीलाई पक्राउ गर्ने, कुट्ने, धम्क्याउने लगायतका हर्कत भैरहेको भन्दै कम्युनिष्ट पार्टीले भने चर्को विरोध गरेको छ । चुनावमा सत्तारुढ तृणमुल र प्रतिपक्षी माक्सवादी दलका बीच चर्को प्रतिश्पर्धा हुने पक्का छ ।
दार्जिलिङको तराई भेगमा पर्ने नक्सलवडी र सिलगुडीमा नेपाली मुलका भारतीयहरुको बाहुल्यता रहेको छ । चुनावको नतिजा उनीहरुमा भर पर्ने भएको र उनीहरु कम्युनिष्ट समर्थक भएकाले उनीहरुलाई धम्क्याइएको हो ।
उनीहरुलाई धम्क्याइएको बारे हिमालय दर्पणले पनि पुष्टि गरेको छ । पत्रिकाले नेपालभाषीलाई नेपाल जान भन्दै जारी गरिएको उर्दीले भारतकै खील्ली उडाएको उल्लेख गरेको छ ।
पत्रिकाले त्यहाँका नेपालीलाई ध्रैय र शान्तसँग बस्न आग्रह समेत गरेको छ । कम्युनिष्ट पार्टीले पनि त्यस्तै आग्रह गरेको छ ।
www.nepalsandesh.com

Write Comment Below:

No comments:

Post a Comment