Friday, October 2, 2015

प्रधानमन्त्री सुशील कोइरालाद्वारा राजीनामा, नयाँ सरकार गठनको बाटो खुल्यो

शुक्रबार, १५ असोज
काठमाडौं । प्रधानमन्त्री सुशील कोइरालाले पदत्याग गर्दै नयाँ सरकार गठनका लागि राष्ट्रपति डा.रामवरण यादवलाई नयाँ सरकार गठनको प्रक्रिया अघि बढाउन आग्रह गरेका छन् ।
शुक्रबार बेलुका बसेको संसद बैठकलाई सम्बोधन गर्दै कोइरालाले नयाँ संविधान जारी भएपछि आफू पदमुक्त हुने पूर्वप्रतिबद्धता अनुसार नै पदत्याग गरेको जनाएका हुन् ।
यससँगै अब नयाँ सरकार गठनको प्रक्रिया औपचारिक रुपमा सुरु हुने भएको छ । कोइराला नेतृत्वको सरकार अब कामचलाउको हैसियतमा रहनेछ ।
कोइराला २०७० माघ २७ नेपालको प्रधानमन्त्रीमा निर्वाचित भएका थिए । उनले यसअघि नै संविधान निर्माण गरेर आफूले पद छाड्ने बताएका थिए । उनले शुक्रबार नै राष्ट्रपति डा.रामवरण यादवसँग भेट गरी राजीनामा बुझाउने छन् ।
www.nepalsandesh.com

Write Comment Below:

No comments:

Post a Comment