Thursday, October 1, 2015

पेट्रोलियम पदार्थ अभावलाई सरकारले यसरी समाधान गर्ने

भारतले गरेको अघोषित नाकाबन्दीका कारण देशमा केही दिन यतादेखि पेट्रोलियम पदार्थको अभाव भएपछि आज असोज १४ गते नेपाल सरकारका मुख्यसचिव डा सोमलाल सुवेदीको अध्यक्षतामा बसेको 'पेट्रोलियम पदार्थ अभाव' विषयक बैठक सम्पन्न भएको छ।

बैठकले देहाय बमोजिमका निर्णयहरु गरेको प्रेस विज्ञप्तीमा उल्लेख गरेको छ।

विभिन्न कारणले पेट्रोलियम पदार्थको आपूर्तिमा अवरोध भई सृजित समस्या सामाधानका लागि लागत, समय, गुणस्तर र दिगोपना लगायतका विषयमा विश्ले षण गरी आगामी तीन महिनाको लागि पेट्रोलियम पदार्थको मागको आकंलन गरी आपूर्तिको भरपर्दो बैकल्पिक उपायहरु समेत खुलाई गृह मन्त्रालय, वाणिज्य र अर्थ मन्त्रालयले ठोस प्रस्ताव तयार गरी कार्यान्वयन यथाशीघ्र अघि बढाउने।
गृह सचिवको संयोजकत्वमा रक्षा सचिव, अर्थ सचिव, वाणिज्य तथा आपूर्ति सचिव र प्रधानमन्त्री तथा मन्त्रिपरिषद् कार्यालयका सचिव सदस्य रहने समिति गठन गरी आपूर्ति व्यवस्थाको निरन्तर सहजीकरण गरी राय सुझाव पेश गर्ने ।
सेवा प्रवाहका लागि अग्रपङ्तीमा खडा भएका भन्सार सुरक्षा निकाय र अन्य वस्तु र सेवा आपूर्ति गर्ने कार्यमा संलग्न भएका निकायहरुलाई नेपालीहरुको महान चाड दशै, दिपावली, छठ लगायतका चाडहरु नजिक आईरहेको अवस्थालाई समेत मध्यनजर गरी आपूर्ति व्यवस्था सहजका लागि प्रभावकारी व्यवस्था गर्न सम्बन्धित निकायहरुलाई निर्देशन दिने तथा जिल्लामा यस कार्यको समन्वय प्रमुख जिल्ला अधिकारीले गर्ने व्यवस्था मिलाउन गृह मन्त्रालयले निर्देशन दिने ।
नेपालीहरुको महान चाडमा काठमाडौंबाट बाहिर जाने र आउने यात्रीहरुको लागि भरपर्दो स्थलमार्गको सार्वजनिक यातायात व्यवस्था भौतिक पूर्वाधार तथा यातायात मन्त्रालय, हवाई मार्गको यातायात व्यवस्था संस्कृत्ति, पर्यटन तथा नागरिक उड्डोयन मन्त्रालयले मिलाउने, सवारी साधनको सुरक्षा व्यवस्था गृह मन्त्रालयले र इन्धनको व्यवस्था वाणिज्य तथा आपूर्ति मन्त्रालयले मिलाउने। kinmel.setopati.com

Write Comment Below:

No comments:

Post a Comment