Thursday, October 1, 2015

जनकपुरमा ७ वटा बोरामा गाडिएको अवस्थामा भेटियो १७ वटा शंकास्पद शव

शम्भु यादव, लहान । जनकपुरमा एकै ठाँउमा गाडिएको अवस्थामा केही शंकास्पद शवहरु फेला परेका छन् ।
स्थानीय पत्रकार राजन सिंहका अनुसार अहिले सम्ममा ७ वटा बोरामा राखि गाडिएको १७ वटा शव भेटिएको छ । अझै केही शबहरु भएको आशंका गरिएपनि साँझ परेका कारण उत्खनन कार्य रोकिएको छ ।
जनकपुरको वडा नं. २१ विसविटी स्थित दुध नदीको छेऊमा शव गाडिएको अवस्थामा स्थानीयहरुले पत्ता लगाएका हुन् । बिहीबार मात्रै एक जना डोमले तीन वटा शब फाल्न लगेको अवस्थामा मानव साङ्गलोमा सहभागीहरुले ती डोमलाई पक्राउ गरेको छ ।
शबसहित अक्षय डुम पक्राउ परेका छन् र उनले अहिलेसम्म ३५ वटाभन्दा अधिक शब फालेको बताएका छन् । उनले ती शव अस्पतालबाट ल्याउने गरेको बताएपनि अस्पतालको नाम खुलाएका छैनन् ।
डोमले ३५ वटा लास गाडेको बताएपनि अहिलेसम्म बालबालिका सहित एक करिब १७ वटा शब भेटिएको छ । केही शबको शरीरमा गोली लागेको छ । केही शबको टाउकोमा कालो पट्टी बाँधिएको छ ।
शब कुहिन थालेका कारण दुर्गन्ध फैलिएपछि उत्खनन कार्यमा समेत कठिनाई उत्पन्न भएको छ । शव उत्खन्न गर्न थालेपछि घटना स्थलमा मानिसहरुको घुँइचो लागेको छ ।
धनुषा प्रहरीलाई उदृत गर्दै पत्रकार सिंहलेका अनुसार बेवारिसे शवहरुलाई त्यहाँ गाडिएको भनिएको छ । घटनाबारे थप जानकारी आउन बाँकी छ ।
ww.nepalsandesh.com

Write Comment Below:

No comments:

Post a Comment